JACE 陳凱詠《JACE WORLD》紅館演唱會 2026｜倒數兩周

紅館騷倒數兩周最後衝刺 邀陳慧琳林家謙任嘉賓

JACE大年初二初三開唱自創「跑步背詞法」備戰

陳凱詠JACE首個個人紅館演唱會《JACE WORLD》將於2月18及19日（大年初二、初三）假紅磡香港體育館隆重舉行。為兌現與歌迷的約定，JACE全程親力親為參與製作，更成功爭取紅館史上首次開放企位區域，打破傳統座位界限，務求與觀眾零距離互動，一同投入最熾熱的音樂派對。距離演唱會不足兩週，JACE正進入最後綵排衝刺階段，團隊不惜工本租借場地進行差不多一比一排練，務求反覆打磨演出做到最好。

談及嘉賓人選，JACE難掩興奮：「第一晚請到嘅嘉賓，係我估唔到自己會請到嘅——陳慧琳！細個聽佢嘅歌大，佢嘅舞台魅力可以帶動全場開party，我好期待同佢一齊喺台上跳舞！」而第二晚嘉賓網傳是她曾合作的林家謙，JACE說：「雖然大家可能估到，但我夠膽講，一定有驚喜！佢嘅演出部分好有誠意，程度係我都覺得『使唔使咁勁』？」

JACE透露演唱會歌單橫跨不同時期，包括舊公司作品及近年親自創作，期望透過音樂訴說自己的故事，以打造一個有唱跳、有深情慢歌，風格同以往紅館演唱會不一樣的演唱會。而適逢農曆新年期間開騷，JACE預告將與全場觀眾拜年，說：「年初二、初三同大家一齊開工，利是當然準備好！多謝台前幕後所有單位，呢個演唱會係好多人心血結晶。」她感謝fans陪她瘋狂，承諾會用最穩陣、最完美的演出報答大家，JACE約家大家紅館見！

---