咁難忘嘅一次九月之約，每個忘我享受嘅瞬間都值得被記錄珍藏！馬上再次回味，可能係人生首次同時亦係只此一次嘅狂野破格追月夜，唔知下次九月之約，四子又會帶嚟咩驚喜呢？約定你哋，下次見！

有幸可以同你哋一齊喪跳盡興，睇四子毫無顧忌地喺台上席地躺平，喺最有自我格調嘅一次九月之約盡情解放本性！

今次將會係Dear Jane澳門九月之約首度設有Standing區域，所以入場程序都會作出相應安排，各位歌迷記得預先留意入場時間等各項須知，注意安全有序入場，咁先可以盡情投入狂歡追月！

由於之前網上預購迴響實在太熱烈啦，為咗令大家都可以買到心頭好，我哋宣佈特別追加紀念品現場販售服務！因應今次演出將會有Standing區域，取貨處以及現場販售處嘅位置＆開放時間都會作出特別安排，大家計劃當日行程之前，請務必睇清楚各項詳情呀！

今年九月之約，四子將會帶住全新限定主題 "Fly you to the Moon" 回歸澳門舞台！以為今次演唱會風格會有如經典西洋金曲一樣優雅動人？當然唔止咁簡單！今年四子決定徹底解放搞怪好動一面，反轉常規，將歌迷們最熟悉不過嘅首首代表之作，編排成一個包羅萬有、突破想像嘅大型Music Festival！

揮別湛藍與黑白，今年嘅Dear Jane九月之約，要帶住你哋飛奔至月亮，再降落銀河舞台，碰撞出夠鮮明、夠狂野、夠玩味嘅音樂態度！